Во Собранието денеска на тројцата добитници им беше врачена државната награда „11 Октомври“ за 2019 за животно дело во областа на науката, уметноста, стопанството и другите дејности од јавен интерес на државава.

Наградата за животно дело во областа на науката ја доби академик Љупчо Коцарев. Во областа на културата и уметноста им беше врачена на актерот Петар Мирчевски и писателот и ликовен уметник, Димитри Дурацоски.

Државната награда „11 Октомври“ е највисоко признание за животно дело во областа на науката, уметноста, стопанството и другите дејности од јавен интерес на Република Северна Македонија.