Културата и туризмот се во фокусот на самитот „Отворен Балкан“ што е во тек во Охрид. На денешната панел-сесија на тема „Отворен Балкан, отвора култура”, воведно обраќање ќе има вицепремиерот за евроинтеграции Бојан Маричиќ, кој со министерката за култура Бисера Костадиновска-Стојчевска, со министерката за култура на Албанија Елва Маргарити, и со вицепремиерката и министерка за култура и информирање на Србија Маја Гојковиќ, ќе дискутираат за важноста на културата во рамките на оваа иницијатива.

Во неофицијалниот дел вчеравечер, учесниците од од регионот прошетаа од Самуиловата тврдина, преку Античкиот театар, Галеријата на икони и Куќата на Робевци. Видоа и една од најпрепознатливите техники за изработка на охридскиот бисер преку традицијата што ја негува охридското семејство Филеви.