Премиерот Зоран Заев вели дека на прва му се допаѓа идејата на Дипломатскиот клуб скопскиот аеродром „Александар Велики“ да се преименува во „Киро Глигоров“.

На денешната прес-конференција за предлог буџетот за следната година, Заев беше прашан и за предлогот на дипломатите ветерани аеродромот да го добие името на првиот претседател на независна Македонија.

„На прва ми се допаѓа идејата. Но, одлуката ќе оставиме да ја донесат граѓаните низ јавна дебата. Мене, како граѓанин, ми се допаѓа“, одговори Заев на новинарско прашање.