Првичните извештаи од полициските станици зборуваат за мирна ноќ во целата држава во однос на забавите и групирањата во викендички и изнајмени станови, велат од МВР за САКАМДАКАЖАМ.МК. Нема откриени случаи на забави и непочитување на препораките од здравствените и од безбедносните власти во текот на новогодишната ноќ.

Но, само на територијата Скопје вчера и ноќеска биле изречени вкупно 65 мерки, меѓу кои за возење без возачка дозвола 4 казни, 8 мерки за користење на мобилен телефон, 4 за нерегистрирани возила. Казнети се двајца граѓани кои возеле под дејство на алкохол, а напишани се и 20 казни за непрописно паркирани возила.

Во текот на изминатото деноноќие на територијата на Република Северна Македонија, по однос на мерката за носење лична заштита на лице, регистрирани се 322 прекршоци. МВР во текот на изминатото деноноќие на територијата на Република Северна Македонија, по однос на мерката за носење лична заштита на лице, регистрирани се 322 прекршоци. Министерството за внатрешни работи апелира до граѓаните да ги почитуваат мерките и протоколите донесени од Владата, со цел справување со вирусот ковид-19.

На Клиничкиот центар во Скопје ноќеска се примени десет алкохолизирани пациенти, од кои најмладиот имал 16 години, а најстариот 67 години, за кој кажаа дека бил хроничен алкохоличар.

С. К. ДЕЛЕВСКА