Францускиот претседател Емануел Макрон вели дека е најден компромис за Преговарачката рамка за членство на Македонија во Европската унија, кој ја вклучува и Бугарија. 

„Мислам дека најдовме компромисно решение што ја зема предвид чувствителноста на двете страни. Во Бугарија предлогот е прифатен од претседателот и премиерот и сега оди на разгледување во Македонија“, кажа Макрон на прес-конференција на НАТО самитот во Шпанија.

На прес-конференцијата, тој спомна дека предлогот е доставен до министерот за надворешни работи Бујар Османи и дека тој ќе се разгледува во македонските институции.