Министерството за надворешни работи на Македонија нема информации дали во терористичкиот напад на Истанбулскиот аеродром има загинати или повредени македонски државјани.

„Преку нашата амбасада во Анкара и конзулатот во Истанбул сме во постојана комуникација со турските власти и штом имаме било каква информација веднаш ќе ја информираме јавноста“, изјавија од МНР.

Најмалку 36 загинале и 147 се повредени во терористичкиот напад на истанбулскиот аеродром, соопшти турскиот премиер Бинали Јилдирим доцна ноќеска. Бројот на жртви од комбинираниот напад на тројца бомбаши самоубијци се уште не е конечен. Нападот се случи на меѓународониот  терминал за пристигнувања на аеродромот „Ататурк“, кој со Скопје е поврзан со две авионски линии дневно на Туркиш ерлајнс.