Премиерот Зоран Заев денес најави дека е можно утре земјава да ги добие првите вакцини.

„Секој ден се надеваме вакцините час поскоро да стигнат во земјава. Имаме најави дека може и утре да стигнат првите дози, но тоа не е уште сигурно, точно ќе знаеме попладне“, кажа Заев одговарајќи на новинарско прашање на денешната прес-конференција за енергетска транзиција.

Заев не кажа за која вакцина станува збор. Додаде дека кинеската „Синофарм“ се очекува да стигне на 15 или 16 февруари и дека во текот на денешниот ден ќе биде извршено плаќањето, по што ќе се договори транспортот.

А. АНТЕВСКА