Министерството за внетрешни работи постапува по пријавите на градоначалничката Данела Арсовска за дивоградби во Општина Чаир, кажа денеска министерот Панче Тошковски.

„За разлика од претходно воспоставениот систем, сега МВР покажува дека можело да има бескомпромисна борба против секој кој ќе се огреши. За дивоградби во Чаир има наредба од јавен обвинител и Министерството постапува по неа. Ќе се видат резултатите, ова не е буцни прачка, пиј вино. Ве уверувам дека како и за сите предмети, нема да оставиме под знак прашање ниту еден предмет, ќе постапиме како во секоја европска држава“, рече Тошковски, одговарајќи на новинарско прашање на прес-конференцијата во Владата за една година раководење со Министерството.

Арсовска на 31 мај достави документи во Обвинителството за незаконски легализации на дивоградби, а на 26 јуни на Обвинителството за гонење организиран криминал и корупција (ОЈОГОКК) му достави докази за нови, како што рече, криминални легализации од градоначалникот Висар Ганиу.

• ВИСАР ГАНИУ ЛЕГАЛИЗИРАЛ 12-КАТНИЦА ИЗГРАДЕНА ВО 2024 ВЕЛЕЈЌИ ДЕКА Е ОД 2011, А ТОГАШ ЛИЦЕТО ШТО ЈА ГРАДЕЛО ИМАЛО 11 ГОДИНИ, РЕЧЕ АРСОВСКА

• АРСОВСКА ДОСТАВИ ДОКУМЕНТИ ВО ОБВИНИТЕЛСТВОТО ЗА ДИВОГРАДБИТЕ ВО ЧАИР, НО НЕ ОЧЕКУВА ОБВИНИТЕЛИТЕ ДА ВЛЕЗАТ ВО ОПШТИНАТА

А. АНТЕВСКА