Седумтемина членови на Судскиот совет кои вчера незаконски со само 6 гласа и без запазување на постапката ја разрешија претседателката Весна Дамева на предлог на нејзиниот заменик Селим Адеми, сега немаат осми глас за избор на нов претседател, поради што ја одложија седницата за 2 мај.

Селим Адеми се пожали дека мора да се одложи седницата, не биле тука сите членови, иако има присутни 12 членови и Судскиот совет има полно право на одлучување.

Разрешената претседателка Весна Дамева процедурално го праша зошто два дена бара одлагање, за да дојдат до мнозинство од 8 гласа за нов претседател?

„Еве ќе ви дадеме два дена, ќе видиме дали ќе дојдете до потребното мнозинство. Што може да се смени по 2 дена? Немавме доволно време да изградиме став? Па тогаш ние не заслужуваме да седиме во ова тело. Вие требаше вчера да нè заштитите сите од надворешни притисоци”, кажа Дамева.

• ГРУПАТА ВО СУДСКИОТ СОВЕТ КОЈА ВЧЕРА НЕЗАКОНСКИ ЈА РАЗРЕШИ ПРЕТСЕДАТЕЛКАТА ДАМЕВА, СЕГА ГИ УБЕДУВА ОСТАНАТИТЕ ЧЛЕНОВИ ДА ГЛАСААТ ЗА НОВ ПРЕТСЕДАТЕЛ ЗАШТО НЕМА МНОЗИНСТВО
• ПО НЕЗАКОНСКОТО РАЗРЕШУВАЊЕ НА ПРЕТСЕДАТЕЛКАТА ДАМЕВА, НЕЈЗИНИОТ ЗАМЕНИК ВО СУДСКИОТ СОВЕТ АДЕМИ ДЕНЕСКА ИТНО ЌЕ БИРА НОВ ПРЕТСЕДАТЕЛ
• РАЗРЕШЕНА ПРЕТСЕДАТЕЛКАТА НА СУДСКИОТ СОВЕТ ДАМЕВА, ПОТПРЕТСЕДАТЕЛОТ АДЕМИ САМ ГО СТАВИ ПРЕДЛОГОТ НА ГЛАСАЊЕ
• ПОТПРЕТСЕДАТЕЛОТ НА СУДСКИОТ СОВЕТ СЕЛИМ АДЕМИ, КОЈ 10 ГОДИНИ Е НА ФУНКЦИЈА, ОДБИ ДА КАЖЕ ДАЛИ ГО БРАНИ СУДИЈАТА ЕНВЕР БЕЏЕТИ ОД РАЗРЕШУВАЊЕ
• ВОЈНА ВО СУДСКИОТ СОВЕТ ЗА СУДИЈАТА ЕНВЕР БЕЏЕТИ, СЕ СОБИРААТ ГЛАСОВИ ЗА РАЗРЕШУВАЊЕ НА ПРЕТСЕДАТЕЛКАТА ВЕСНА ДАМЕВА АКО ГО СТАВИ НА ДНЕВЕН РЕД БАРАЊЕТО ЗА НЕГОВА ОДГОВОРНОСТ ЗА „ТВРДИНА-ТАРГЕТ“

Но, Адеми го стави на гласање предлогот и ја закажа седницата на 2 мај.

Го прашавме заменикот Селим Адеми: „Зошто дури на 2 мај? Има опасност дека ќе се врши притисок врз членовите да се премислат за избор на нов претседател”.

„Па на 1 мај не се работи. Судии се, не смеат да дозволат да им се врши притисок”, рече Адеми.

„А што значи тоа, дека на членовите кои не се судии, може да им се врши притисок?”, дополнително го прашавме.

„На мене никој не ми врши. Јас само велам дека нема услови денеска за седница и за избор на претседател на Судскиот совет”, рече Адеми.

„Денеска не е тука врховната судијка Мирјана Радевска-Стефкова, но и вчера таа не беше, па без неа ја разрешивте претседателката како што ја разрешивте”, забележаа новинарите.

Адеми на ова не одговори, си замина низ вратата.

С. К. ДЕЛЕВСКА