Пратеникот Амди Бајрам на денешната собраниска седница кажа дека веќе нема да биде дел од коалицијата на ВМРО-ДПМНЕ, туку ќе делува само како пратеник на Сојузот на Ромите.
„Сакам денеска да изјавам дека до денеска сум бил како пратеник на Сојузот на Ромите во коалиција на ВМРО-ДПМНЕ и од денеска ќе делувам како Сојуз на Ромите во парламентот како пратеник, благодарам“, кажа кусо Бајрам, откако побара збор процедурално.
Претходно на седницата, констатирани беа оставките на пратениците Стево Пендаровски и Васко Ковачески, како и на министерот без ресор во владата, Самка Ибраимовски.
