На судењето за грабнувањата и убиствата на Панче Жежовски и Вања Ѓорчевска денеска прв од обвинетите сведочеше Велибор Манев од Велес и тој пред судот и пред целата јавност признава сè.

„Сите обвинети ги познавам. Со Боре се знам уште од дете, од основно училиште. Живееме добро, проблеми со него не сме имале. Со Љупчо Палевски се познаваме од 2018 година. Тој имаше потреба од набљудувачи за избори. Му пристапив в канцеларија за тоа, но потоа и како член на тогашното движење ‘Трета’. Со Влатко Кешишев се знам скоро 4 години. Човекот дојде во тогашната канцеларија на ‘Трета’, како готвач, како домаќин на канцелариите. Му готвеше на Љупчо Палевски. Тој е тука зашто му ја даде довербата на Палевски. Му готвеше, му служеше 2 години, без никаква надокнада“, сведочеше Манев.

За Александар Ѓорчевски, таткото на Вања, кажа дека не го познава.

„Го познавав Панче Жежовски. Му работев на куќата пред 19 години. Тој не ми плати за завршената работа. Бараше сечени камења, клесани камења да му редам пред вратата, едни од најскапите, ми остана должен 1.500 евра. Се скаравме, му ги искорнав 12-те квадрати што му ги наредив. Полицијата кажа не смеам така да се однесувам, дигнав раце. Уште еднаш отидов во неговата фризерница да си ги барам парите што ми ги борчи, ме избрка. Баталив и пари и се”, одговараше Манев.

„Кој ги однесе до дупките во Рудник?“, праша неговиот адвокат.

„Јас“, одговори обвинетиот.

„Кој ги ископа дупките?“, беше следното прашање.

„Јас и Кешишев“, одговори Манев.

На прашање „Зошто?“, тој одговори: „Да се чуваат жртвите и кога ќе се изврши нападот, жртвите да се пуштат. Прво требаше Панче да биде грабнат, врзан за ногата со тег, да се пушти во земуницата. Неговото возило да се искористи за грабнување жена особа на 38-40 годишна возраст. Кога ќе се грабне таа, Панче да се извади од земуницата, да се стави жената додека се врши нападот“.

Дупките, налик на бунари, биле ископани уште 2022 година.

„Со кого беше договарано грабнувањето на Панче?“, праша адвокатот.

„Да се вратам наназад. Првично баравме објект за чување на жртвите. Палевски ми рече да го оставам мобилниот и да прошетаме. Ми кажа дека објект тешко може да се најде, подобро е да се ископаат дупки. Ја напраивме земуницата, ја остаивме самата природа да ја замаскира. За грабнувањето, Палевски бараше неевидентирана, крадена кола, за да го извршиме грабнувањето на жената. Не најдовме таква кола, па баравме пензионер со кола, кој потоа би бил пуштен. Во разговор, кажав за неплатениот борч на Панче Жежовски. Му кажав оти имам еден таков што ме зафркнал, што ми го зел лебот и дека него може да го искористиме“, сведочеше Манев.

„Кои други лица се приклучија со вас двајца да се реализира грабнувањето на Панче Жежовски?“, праша адвокатот.

„Првично бевме јас, Палчо и Влатко, ни фалеше уште еден човек. Боре ми беше близок. Му кажав да оди да разговара со Палчо, ако сака да ни се приклучи во групата.

„Кога и како го грабнавте Панче Жежовски?“, праша адвокатот понатаму. Судењето е во тек.

Обвинети за киднапирањата и убиствата на Панче Жежовски и Вања Ѓорчевска се Љупчо Палевски, Боре Видевски, Велибор Манев, Влатко Кешишев и Александар Ѓорчевски.

С. К. ДЕЛЕВСКА

• ЉУПЧО ПАЛЕВСКИ ГО НАПАДНА СООБВИНЕТИОТ БОРЕ ВИДЕВСКИ, ПРАШУВАШЕ ИНСПЕКТОР КАДЕ Е ПИШТОЛОТ НА БОРЕ ЗА КОЈ НАШЛЕ ДОЗВОЛА ПРИ ПРЕТРЕС КАЈ ЖЕНА МУ
• СВЕДОК ОД ПАРТИЈАТА „ДЕСНА“ ТВРДИ ДЕКА ВО ВРЕМЕ НА УБИСТВОТО НА ВАЊА СЕ ДОПИШУВАЛ СО ПАЛЕВСКИ ЗА НАБАВКА НА ИРАНСКИ ДРОНОВИ, АМА КОМУНИКАЦИЈАТА НА ТЕЛЕГРАМ СЕ ИЗБРИШАЛА
• СВЕДОКОТ ГОЦЕ ТРАЈКОВСКИ ИМ КАЖА НА ПАЛЕВСКИ И ДРУГИТЕ ОБВИНЕТИ ДЕКА СЕ ПСИХОПАТИ И ОТИ ТОЈ НЕ Е БЕСПОМОШНО 14-ГОДИШНО ДЕВОЈЧЕ ДА ИМ СЕ ПЛАШИ ОД ЗАКАНИТЕ
• ПО НЕУСПЕШНИОТ ОБИД ЗА ГРАБНУВАЊЕ НА ВАЊА НА 24 НОЕМВРИ, ОБВИНЕТИОТ МАНЕВ ЈА ДИПЛИ ВРЕЌАТА И ЈА СПРЕМА ЗА КИДНАПИРАЊЕТО ПО ТРИ ДЕНА
• ПРИКАЖАНИ СНИМКИ ОД ОБВИНЕТИТЕ КАКО СЕ ОРГАНИЗИРААТ ВО КУЌАТА НА МАНЕВ ПРЕД УБИСТВОТО НА ПАНЧЕ ЖЕЖОВСКИ
• ПАЛЕВСКИ ПОБАРАЛ ПОМОШ ОД ЛИЦЕ ДРАГАН ДА ГО ЗЕМЕ ОД АЕРОДРОМ ВО МОСКВА, А ПРЕТХОДНО ПИШАЛ НА ПРИЈАТЕЛ ДЕКА РЕЗЕРВИРАЛ КАРТА ЗА МИНСК
• СВЕДОКОТ ГОЦЕ ТРАЈКОВСКИ ИМ КАЖА НА ПАЛЕВСКИ И ДРУГИТЕ ОБВИНЕТИ ДЕКА СЕ ПСИХОПАТИ И ОТИ ТОЈ НЕ Е БЕСПОМОШНО 14-ГОДИШНО ДЕВОЈЧЕ ДА ИМ СЕ ПЛАШИ ОД ЗАКАНИТЕ
• ОД БРАЗДА, КАДЕ ШТО БЕШЕ НАЈДЕНА ВАЊА, ОБВИНЕТИТЕ СО „РЕНОТО“ ДИРЕКТНО ОТИШЛЕ ВО СЕДИШТЕТО НА ПАРТИЈАТА „ДЕСНА“
• ЕДЕН ЧАС ПОРАНО ДОЈДЕНИ СО „СИТРОЕНОТ“ НА ЖЕЖОВСКИ, ОБВИНЕТИТЕ ЈА ЧЕКАЛЕ ВАЊА ДА ИЗЛЕЗЕ НАКАЈ УЧИЛИШТЕ ЗА ДА ЈА ГРАБНАТ
• ОД КАМЕРИТЕ НА „БЕЗБЕДЕН ГРАД“ СЕ ГЛЕДА КАКО ВОЗИЛОТО СО КОЕ Е ГРАБНАТА 14-ГОДИШНАТА ВАЊА ЃОРЧЕВСКА ПРЕКУ ПАРКИНГОТ КАЈ ХОТЕЛ „СИТИ ПАРК“ СЕ ПАРКИРА ПРЕД НЕЈЗИНАТА ЗГРАДА, ПОКАЖА ОБВИНИТЕЛСТВОТО
• ВАЊА КЛЕЧЕЛА НА КОЛЕНА КОГА Ѝ БИЛО ПУКАНО ВО ГЛАВАТА ОДЗАДИ, ЧИТАШЕ ОБВИНИТЕЛСТВОТО ДОКАЗИ ВО СУД
• НА КАМЕРИТЕ ОД „БЕЗБЕДЕН ГРАД“ МАЖ КОЈ ЛИЧИ НА ПАЛЕВСКИ ГО ВОЗЕШЕ „РЕНОТО“ КОЕ БЕШЕ НА МЕСТОТО КАДЕ БЕШЕ ЗАПАЛЕН „ЦИТРОЕНОТ“ СО КОЈ БЕШЕ ГРАБНАТА ВАЊА, КАЖА СВЕДОК ОД МВР
• ПАЛЧО МИ ГО ДАДЕ ПИСМОТО СО СМЕНЕТА ИЗЈАВА ДЕКА НЕ ЈА УБИЛ ВАЊА ДА ГО НАПИШАМ СО МОЈ РАКОПИС, РЕЧЕ КЕШИШЕВ
• КУМАШИНКАТА НА СЕМЕЈСТВОТО ЃОРЧЕВСКИ, КИРАЦА ТРАЈКОВСКА, СВЕДОЧЕШЕ КАКО ТАА ПРВА ГИ ПОВРЗАЛА ИСЧЕЗНУВАЊАТА НА ПАНЧЕ И НА ВАЊА
• ВЕДНАШ ШТОМ ДОШОЛ ВО ТУРЦИЈА, ПАЛЕВСКИ Ѝ КАЖАЛ НА НАШАТА ПОЛИЦИЈА ДЕКА Е ТАМУ ПРЕКУ ТЕЛЕФОНОТ НА АДВОКАТОТ
• ПРИЈАТЕЛИ НА ПАЛЧО СВЕДОЧЕА ДЕКА ВО НЕГОВАТА СПАЛНА СОБА ВИДЕЛЕ ЦРН ПИШТОЛ ВО ФУТРОЛА И РАДИОСТАНИЦИ ЗА КОМУНИКАЦИЈА
• ВЕЛИБОР И БОРЕ РЕКОА ДЕКА ТАТКОТО НА ВАЊА МУ КАЖАЛ НА ПАЛЧО КОГА ДЕВОЈЧЕТО ЌЕ ИЗЛЕЗЕ САМО, СВЕДОЧЕШЕ ПОЛИЦИСКИ НАЧАЛНИК
• КОГА ЈА НАЈДОВМЕ ВАЊА, РАЦЕТЕ И НОЗЕТЕ Ѝ БЕА ВРЗАНИ СО СТЕГА, А НА УСТАТА ИМАШЕ ЛЕНТА, СВЕДОЧИ ПОЛИЦИСКИ НАЧАЛНИК
• ВЕЛИБОР НИ КАЖА ДЕКА ПАЛЕВСКИ ПУКАЛ СО ПИШТОЛ ВО ТИЛОТ НА ПАНЧЕ, СВЕДОЧЕШЕ ЕКСНАЧАЛНИКОТ НА СВР ВЕЛЕС