Излекувани се 24 пациенти кои се лекуваа во домашни услови, стои во дневната статистика на Институтот за јавно здравје, вели Министерството за здравство. Излекувани пациенти се евидентирани во: Скопје – 4, Дебар – 4, Струмица – 1, Куманово – 1, Штип – 3, Прилеп – 3, Кочани – 5 и Тетово – 3.
Во Градската општа болница „8 Септември“ почина пациент од Лабуништа на 70-годишна возраст. Во тешка состојба, пациентот бил хоспитализиран на 8 април и веднаш приклучен на респираторна машина. Во изминатите 24 часа потврдени се 7 нови случаи на КОВИД-19. По градови: Куманово- 2, Тетово- 3 и Кочани- 2.
Бидејќи во вчерашниот извештај на ИЈЗ е двојно евидентиран еден контролен тест на пациент од Кочани, денеска е направена исправка со што вкупната бројка на дијагностицирани пациенти со ковид-19 во нашата земја изнесува 1.231, од кои излечени 224, починати 55, а активни 952 случаи.
Последната дистрибуција по градови е:
Скопје – 411
Куманово – 340
Дебар – 51
Штип-34
Прилеп –117
Тетово – 60
Струга – 55
Велес – 59
Битола –17
Охрид –15
Кавадарци – 4
Гостивар –13
Гевгелија – 4
Струмица – 2
Крива Паланка-4
Радовиш – 4
Крушево – 3
Кочани – 28
Пробиштип – 2
Кичево – 2
Неготино -2
Демир Хисар – 1
Македонски Брод -2
Пехчево- 1
Во изминатото деноноќие направени се 207 теста. Преку ИЈЗ –201, преку Ветеринарен факултет -0, Авицена –0, Биотек –0, Филип Втори (Жан Митрев) –6 и Систина со ПЦР метода -0. Досега во земјата се направени вкупно 12.340 тестирања на КОВИД -19.
На Клиниката за инфективни болести и фебрилни состојби се хоспитализирани вкупно 60 пациенти. Од нив 18 се на кислородна поддршка, а 4 се на механичка вентилација.
Во ГОБ „8 Септември“ се хоспитализирани 45 пациенти. Со потешка клиничка слика се 7 пациенти, а 5 пациенти се на респираторна машина.
Во Битола се хоспитализирани вкупно 13, а на домашно лекување се следат 15 пациенти. Во болницата во Штип, на болничко лекување се 4 пациенти, а на домашно лекување се следат уште 19 пациенти.
Б. НЕСТОРОСКА
