Жители на скопското село Брест се вознемирени поради полициска акција која трае веќе 24 часа, јави порталот на албански јазик „Журнал“. Од МВР ни изјавија дека од Катастарот им била побарана асистенција од специјални полициски единици за приватна работа, за премер на шума и сеча на дрва.

„Ова е дел од оперативната акција на МВР „Гора“ за нелегална сеча на дрва“, велат од МВР.

Во селото Брест се присутни многу полицајци, а над селото летаа и полициски хеликоптери.

„Брест е блокирано од полиција, не можеме да излеземе од дома. Не знам зошто толку многу полиција веќе 24 часа се наоѓа во нашето село“, изјави жител на селото за „Журнал“.