Претседателот на Собранието Талат Џафери најави дека првиот круг од претседателските избори најверојатно ќе се одржи на 21 април, а евентуалниот втор круг во тој случај би се одржал на 5 мај.

Одговарајќи на новинарско прашање на прес-конференцијата во врска со објавувањето на Законот за употреба на јазиците во Службен весник, Џафери кажа дека 8 февруари е крајниот рок за распишување претседателски избори. Како што рече Џафери, се размислува тие да се одржат на 21 април, а вториот круг на 5 мај, бидејќи ако се одржат една недела порано, вториот круг ќе се падне на 28 април и ќе се совпадне со Велигден.

• НА КРАЈОТ ОД МАНДАТОТ ИВАНОВ ГИ ПОМЕША ЛОНЦИТЕ, НЕ МОЖЕ ТОЈ ДА БАРА ОДГОВОРНОСТ ОД ЗАКОНОДАВНАТА ВЛАСТ, ТУКУ ОБРАТНО, ВЕЛИ ТАЛАТ ЏАФЕРИ

Мандатот на претседателот Ѓорге Иванов истекува на 12 мај.

С. К. ДЕЛЕВСКА