Холандскиот министер за надворешни работи  Стеф Блок го поздрави постигнатиот напредок на Македонија  во спроведувањата на реформите за приближување  кон ЕУ и НАТО.

„Резултатот од  претстојниот референдум и постигнувањето видливи резултати во  реформите се исклучително важни за приближување на Република Македонија кон Европската Унија и за членство во НАТО.  Склучувањето на Договорот во Преспа е од големо значење за државата“, рече Блок на прес-конференцијата со  македонскиот министер за надворешни работи Никола Димитров.

Димитров  се заблагодари за постојаната помош и поддршка од Холандија за реформа на јавната администрација и хармонизирање на македонското со европското законодавство.