САД БАРААТ И ИТНО ПОНИШТУВАЊЕ НА ПОМИЛУВАЊАТА НА ИВАНОВ

a:2:{s:11:"td_subtitle";s:245:"„Ветувањазареформиилиисказизанамеранемадајаврататземјатанаевро-атлантскиотпат.Делатаќегостораттоа“,порачуваатСАД";s:9:"td_source";s:45:"Скопје,(САКАМДАКАЖАМ.МК)

    САД БАРААТ И ИТНО ПОНИШТУВАЊЕ НА ПОМИЛУВАЊАТА НА ИВАНОВ

    Соединетите американски држави бараат итно поништувањето на помилувањата од 12 април.

    Во соопштението што пред малку го издаде американската амбасада во Скопје се вели:

    „Одлуката на Уставниот суд отвара пат за свикување на Собранието за да се откажат изборите на 5 јуни.  Ова пак, претставува обновена можност за Собранието и за политичките лидери, да покажат на дело дека се силно посветени на Пржинскиот договор и неговите начела – владеење на правото, одговорност, инклузивност и кредибилни избори. Оваа рамка и понатаму претставува најдобар начин за земјата да излезе од сегашната криза.

    Поништувањето на помилувањата од 12 април треба да се направи итно и на начин на кој ќе се зачува начелото на одговорност, ќе се избегне селективна примена на правдата и ќе се неутрализира сериозната загриженост во врска со неказнивоста. Основно демократско начело е дека сите граѓани треба да бидат еднакви пред законот. Политичките партии треба недвосмислено да го поддржат Специјалното јавно обвинителство (СЈО). Непреченото работење на СЈО е клучно за да се утврди одговорноста за можни злоупотреби поврзани со прислушувањата и за надминување на сегашната криза.

    Претстојат тешки реформи. Процесот на реформи мора да биде инклузивен и да ги вклучи перспективите на опозициските партии и граѓанското општество. Ваквата инклузивност е клучна за воведување и воспоставување на  системот на проверки и рамнотежа, систем што е одлучувачки во демократијата.  Соединетите Држави нема да поддржат пристапи што не ги почитуваат овие принципи.

    Ветувања за реформи или искази за намера нема да ја вратат земјата на евро-атлантскиот пат.  Делата ќе го сторат тоа.“, стои во соопштението што го издаде американската амбасада во Скопје.

     

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира

    Коментари