Тамара Тодевска од Школка во Градскиот парк, крајната дестинација на денешната прва Парада на гордоста им ја отпеа на присутните стотици граѓани и активисти и припадници на ЛГБТ заедницата од дома и од странство евровизиска „Горда“ (Proud). Рече дека е дојдена на денешната Парада, од љубов.

Граѓани од сите генерации, многу учесници од Грција, Србија, Црна Гора и од други странски држави, дојдоа да дадат поддршка на првата Парада на гордоста денеска во Скопје. Организатор на настанот е ЛГБТ мрежата. Маршот тргна од Паркот Жена Борец пред ГТЦ, мина низ центарот и пред Владата и заврши на Школка во Градскиот парк, каде продолжи со говори и журка.

Тамара Тодевска ја отпеа евровизиската „Горда“ (Proud) на Парадата на гордоста. (Фото: К. Попов)

Каја Мор, трансродово лице од Чикаго, родум од Струга ги поздрави учесниците на парадата на гордоста во фустан и елементи од познатата струшка народна носија.

Кочо Андоновски, најавен како „човекот кој прв излезе од плакарот“, рече дека никој не е слободен додека сите не сме слободни. Странските амбасадори на Холандија, Франција, в. д. амбасадорката на САД и други, се присутни на Парадата докрај.

Министерката за труд и социјална политика Мила Царовска кажа дека владата со измена на законите овие две години што ја засега ЛГБТ заедницата, но и со намерата тие да се применат, сака овие маргинализирани групи да ги направи видливи и да не ги изгуби како потенцијал за државата.

С. К. ДЕЛЕВСКА