СЕАД КОЧАН ТРЕБА ДА СЕ ЈАВИ ВО ЗАТВОР НА 17 ЈУЛИ ДА ЈА ОДЛЕЖИ КАЗНАТА ОД 4 ГОДИНИ И 8 МЕСЕЦИ

    СЕАД КОЧАН ТРЕБА ДА СЕ ЈАВИ ВО ЗАТВОР НА 17 ЈУЛИ ДА ЈА ОДЛЕЖИ КАЗНАТА ОД 4 ГОДИНИ И 8 МЕСЕЦИБизнисменот Сеад Кочан беше првостепено осуден на 6 години затвор, а Апелација му ја намали казната на 4 години и 8 месеци. - Сеад Кочан пред Основнито кривичен суд (Фото: СДК.МК)

    Бизнисменот Сеад Кочан има упатен акт да се јави во казнено-поправна установа на 17 јули на издржување на затворската казна, соопшти денеска Основниот кривичен суд Скопје. Кочан е правосилно осуден на 4 години и 8 месеци затвор во предметот на СЈО „Труст“ за добивање на незаконски тендер од 2011 година распишан од државната фирма „Електрани на Македонија“ (ЕЛЕМ) за ископување јаловина и јаглен од рудникот Суводол во Битола.

    Основниот кривичен суд Скопје првостепено го осуди Кочан на 6 години затвор на 20 јули 2018, а на 11 март 2019 Апелациониот суд му ја намали казната на 4 години и 8 месеци. Второобвинетиот во истиот предмет, Василие Авировиќ, доби две години условно од Апелација, откако првостепено беше осуден на три години затвор.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари