Шарената револуција закажа нов протест в понеделник во Скопје, традиционално од седум часот навечер пред седиштето на Специјалното јавно обвинителство.

Со паролата „Нема правда кога јавниот долг вртоглаво расте“, објавена на официјалната Фејсбук страница, граѓанското движење повикува на протест против одлуката на Владата да се задолжи кај комерцијалните банки со еврообврзница од 650 милиони евра.

„Секој граѓанин на Македонија веќе должи по 2200 евра, а режимот сака да го задолжи за уште 330 евра, во очајнички обид да продолжи да владее криминално“, стои во повикот за протестот.