Граѓаните кои не користат парно и во иднина ќе мора да плаќаат паушален износ, пресуди Уставниот суд, откако ја отфрли иницијативата поднесена од Здружението за заштита на човекови права „Но пасаран“, објави државната агенција МИА.
Уставниот суд ја оценуваше уставноста на членот 66 од правилата за снабдување со топлинска енергија, донесени од Регулаторната комисија за енергетика, кој предвидува сите граѓани да плаќаат надоместок за парно, дури и оние кои се имаат исклучено од системот.
Од судот соопштија дека иницијативата беше отфрлена, затоа што по членот 66 одлучувале и пред четири години.
Во Македонија, речиси 12.000 домаќинства се исклучени од системот за снабдување со топлинска енергија, но и тие мора да плаќаат паушелен износ, во зависност од површината на станот.
