Министерството за здравство со 3,2 милиони денари или 52.000 евра ќе набавува 40.000 специјални маски за заштита на хронично болните од аерозагадување.
Според јавниот повик објавен на електронскиот систем за јавни набавки понудите треба да се достават до 25-ти овој месец.
Пред околу месец и половина Министерството за здравство соопшти дека го подготвуваат тендерот за набавка на 40.000 специјални маски кои штитат и од ПМ2.5 и од ПМ10 и рекоа дека малку доцнат, бидејќи процедурите за набавките се долги.
Министерот за здравство Венко Филипче вели дека ја почнуваат процедурата за набавка на маските, кои ќе се делат според индикација согласно дијагнозата и без обврска да ја повлекуваат целата количина.
