Ексдиректорот на УБК Сашо Мијалков кажа дека нема намера да бега, откако по изрекувањето на казната затвор од три години во предметот на СЈО „Титаник 2“, СЈО побара од судот да му изрече мерка притвор поради опасност од бегство.
„Со ниеден гест не сум покажал дека мислам да бегам, а камоли да избегам. Со бегање не се решаваат проблемите, стилот на моето живеење не е бегањето. Ако одлучи Апелација, јас ќе ја одлежам казната“, рече Мијалков по барањето на Фетаи да му се изрече мерка притвор.
- СЈО БАРА ПРИТВОР ЗА МИЈАЛКОВ ОТИ ВРХОВЕН СУД ЌЕ ГО ОСЛОБОДИ ОД КУЌЕН ПРИТВОР
- САШО МИЈАЛКОВ ОСУДЕН НА 3 ГОДИНИ ЗАТВОР, ТАЧИ НА 3 ГОДИНИ И 2 МЕСЕЦА, ВО „ТИТАНИК 2“
Според него, ваквото тврдење на Фетаи дека ќе избега, а притоа таа да не даде ниту еден аргумент, како што кажа тој, е тврдење на ниво на шпекулација.
Во моментов, судот се повлече да одлучи за предлозите за притвор за осудените во „Титаник 2“.
С. К. ДЕЛЕВСКА
