Генералниот секретар на НАТО Јенс Столтенберг и Северноатлантскиот совет на втори и трети јуни доаѓаат во Македонија. Столтенберг и Советот за време на дводневната посета ќе имаат средба со државниот врв за пристапување на земјата кон Алијансата.

Ова е прва посета на Столтенберг по потпишувањето на протоколот за членство на Република Северна Македонија во НАТО. Северноатлантскиот совет  е главно политичко тело, кое ги носи одлуките на НАТО, ги надгледува политичките и воените процеси во врска со безбедносните прашања што влијаат на целата Алијанса.