Членки на ВМРО-ДПМНЕ се сретнаа со членки на СДСМ на булеварот „8 Септември“ во Скопје, бидејќи двете партии денеска одржуваат настани во непосредна близина. СДСМ одржува конгрес во хотелот „Александар Палас“ од 14 часот, а веднаш до скопскиот хотел е спортската сала „Борис Трајковски“ во која од 15 часот е годишната конференција на Унијата на жени на ВМРО-ДПМНЕ.

На денешниот конгрес, СДСМ треба да ги потврди кандидатските листи за изборите на 11 декември, додека за конференцијата на Унија на жени на ВМРО-ДПМНЕ од партијата кусо најавија дека ќе имаат обраќање претседателот на ВМРО-ДПМНЕ Никола Груевски и претседателката на Унијата на жени, Даниела Рангелова.