Двајца професионални војници на АРМ се ранети денеска околу 10 часот во тетовската касарна „Кузман Јосифовски-Питу“ при чистење митралез, потврди Генералштабот на Армијата на Република Македонија.
„При чистење на оружје ’митралез‘ испукан е еден куршум при што со прострелни рани во надколеница и подколеница се повредени професионалните војници М.Ј и В.Ш.“, соопштија од Генералштабот.
Повредените војници веднаш по инцидентот се пренесени во болницата во Тетово каде што се утврдени фрактури на коски и по првично санирање на повредите се префрлени на хируршка интервенција во Клиничкиот Центар во Скопје. Двајцата војници се во стабилна состојба, надвор од животна опасност.
З. АНДОНОВ
