За два дена пристигнаа десетина пораки на електронската адреса за пријавување врсничко насилство во училиштата [email protected] и [email protected] . Дел од нив се однесуваат на врсничко насилство, а има и од поранешни професори, со сугестии како да се превенира и намали насилството меѓу децата и младите од училишна возраст, соопшти Министерството за образование и наука (МОН).
„Со отворањето на електронската адреса, Министерството за образование и наука воспоставува брз, доверлив и безбеден начин, преку кој учениците, родителите и граѓаните можат да пријават инциденти, како дел од системот за идентификување и запирање на непосакуваните однесувања. Секоја пријава ќе се истражи и ќе се преземат соодветни мерки.
Училиштата мора да бидат безбедна средина каде ќе се одвива воспитно-образовниот процес. Затоа Министерството за образование и наука ќе и предложи на Владата итна проценка на состојбите и безбедносните ризици, со цел намалување на сите можни ризици и закани за безбедноста на учениците и наставниците во училишна средина“, велат од МОН.
Мерката следи по масовните пукања во Белград и околината на Младеновац во Србија, во кои беа убиени вкупно 17 лица. Убијците се 14-годишен ученик и 20-годишник.
Министерот за образование Јетон Шаќири вчера кажа дрека предлага итна проценка на безбедносните ризици за учениците на социјалните мрежи, а Министерството за образование и наука (МОН) изработува протоколи со кои дури и ќе се забрани нивно користење во школите.
Шакири рече и дека во консултација со експертската заедница, дополнително ќе се зајакнат превентивните програми за борба против булингот, промовирајќи дијалог и ненасилство како клучни елементи во образованието и развојот на децата и младите. Тој ги повика и родителите да земат активно учество, „воспитувајќи ги своите деца на толеранција, ненасилство како и почитување и разбирање за различните од себе“.
Вчера, на средбата со министерот Шакири, Сојузот на средношкоци побара МОН да ги тестира знаењата на школските педагози, психолози и социолози за новното разборање и помош за проблемите на учениците.
