Лидерот на СДСМ Зоран Заев ги обвини Никола Груевски, Ѓорге Иванов и Митко Чавков како организатори на насилството врз новинарите и пратениците во вчерашниот напад на Собранието.

„Насилството врз новинарите и легитимно избраните претставници на народот во Собранието беше организирано од Никола Груевски, Ѓорге Иванов, Митко Чавков и нивни соработници, кои не сакаат мирен трансфер на власта. Насилството е резултат на остатоци од режимот во распаѓање“, кажа Заев пред малку на прес-конференција.

Тој вели дека вчерашниот напад бил организиран обид за негово убиство и ги повика сите вработени во институциите да постапуваат согласно Уставот и законските процеси.

„Имаме работа со непресметливи луѓе, но целата меѓународна заедница во нас гледа мотор на мирот на стабилноста“, додаде Заев.