Белоруската тенисерка Арина Сабаленка ја освои првата гренд слем титула во кариерата откако со пресврт победи во финалето на Отвореното првенство на Австралија. Дваесет и четиригодишната петта носителка ја совлада шампионката од Вимблдон, Елена Рибакина, со 4:6, 6:3, 6:4 и конечно го реализираше својот голем потенцијал. Ова ѝ беше прво гренд слем финале досега и четврта победа во исто толку меѓусебни дуели со Казахстанката родена во Русија.

Сабаленка настапи на турнирот како неутрален играч поради белоруската поддршка на руската инвазија на Украина.

Утре во машкото финале се среќаваат Новак Ѓоковиќ и Стефанос Циципас.