Најдобриот македонски ракометар на сите времиња Кире Лазаров е нов селектор на сениорската ракометна репрезентација, потврдија од Ракометната федерација на Македонија (РФМ). 

Лазаров доаѓа на местото на Данило Брестовац, чиј договор беше спогодбено раскинат по крајот на Светското првенство во Египет минатиот месец.

Претседателот на РФМ Живко Мукаетов на прес-конференција кажа дека Лазаров првин една година ќе биде тренер на репрезентацијата, додека да ја добие мастер-коуч дипломата, а потоа ќе потпише четиригодишен договор како селектор.