Македонската фудбалска репрезентација не се пласираше во баражот за Светското првенство 2026 во САД, Канада и Мексико откако изгуби од Велс со катастрофални 7:1 во последното коло од квалификациите. Со само еден пораз во групата J, Македонија заврши на третото место, со три бода помалку од Велс, додека Белгија обезбеди директно учество на Мундијалот.

Македонија и натаму има шанси за пласман на СП, но по потежок пат, преку плеј-офот на Лигата на нации, каде што можни противници ѝ се селекции како Италија, Турција, Украина и Австрија.

На стадионот во Кардиф, Македонија губеше со 2:0 по само 20-ина минути, но си ги поврати надежите со голот на Миовски во 23. минута. Домаќинот ја круниса подобрата игра со убавиот гол на Џонсон во 37. минута и потоа ја доврши работата во второто полувреме со головите на Џејмс, Вилсон (два) и Броудхед.