Мароко ја победи Португалија со 1:0 во првото денешно четврт-финале на Светското првенство во Катар и стана првиот африкански тим што успеал да се квалификува во полуфинале.

Стрелец на единствениот гол на натпреварот беше Јусеф Ен Несири во 42. минута. Португалскиот капитен Кристијано Роналдо го почна натпреварот од клупата за резерви и влезе во игра во второто полувреме, но не успеа да му помогне на тимот да израмни.

Подоцна вечерва играат Англија и Франција за последното место во полуфиналето. Претходно, во полуфиналето се пласираа Аргентина и Хрватска, кои ќе играат меѓу себе на 13 декември.