Францускиот првак Монако е апсолутниот победник на летниот преоден рок, откако продаде фудбалери во вредност од 330 милиони евра.
Половина од оваа сума отпаѓа на 18-годишниот Килијан Мбапе, кој ќе се пресели во локалниот ривал Пари Сен-Жермен за 180 милиони евра, со што стана вториот најскап фудбалер на сите времиња. Таму ќе има годишна плата од 15 милиони евра.
Откако ја освоија титулата во Франција и стигнаа до полуфиналето на Лигата на шампионите, беше јасно дека играчите на Монако ќе станат најатрактивни на пазарот и клубот добро го искористи тоа.
Прв реагираше Манчестер сити, кој ги доведе Бенжаман Менди и Бернардо Силва за вкупни 108 милиони евра, при што францускиот дефанзивец беше поскап за осум милиони.
Кај Монако пазаруваше и Челзи, кој издвои 40 милиони евра за играчот од средниот ред, Тјемуе Бакајоко.
