Еден од најуспешните голфери на сите времиња Тајгер Вудс е тешко повреден во сообраќајна несреќа откако се превртел со своето возило во Лос Анџелес.

Од канцеларијата на шерифот на Лос Анџелес кажаа дека друго возило не учествувало во несреќата и дека автомобилот на 45-годишниот Вудс е тешко оштетен. Тој се здобил со повеќекратни повреди на нозете и од уништениот автомобил бил извлечен со помош на пожарникарите и лекарите, пред да биде префрлен во болница со амбулантно возило.

„Тој е на операција откако претрпел повеќекратни повреди на нозете“, кажа неговиот агент Марк Стајнберг.

Вудс имаше сообраќајна несреќа и во 2009 година, која беше вовед во бројните проблеми во неговиот приватен живот, а во 2017 беше уапсен зашто возел пијан.