Шест луѓе загинаа и осум беа повредени во пукање во џамија во Квебек, Канада, за време на вечерната молитва. Властите соопштија дека уапсиле двајца осомничени, а премиерот Џастин Трудо го нарече вооружениот напад тероризам.

Портпаролот на полицијата во Квебек Кристин Колумб кажа дека некои од повредените се во животна опасност. Таа рече дека загинатите се на возраст од 35 до 70 години.

Повеќе од 50 луѓе биле во џамијата кога се случил нападот и 39 поминале без повреди.