Во очекуваната, но триумфална победа за најдобар актер во споредна улога, Махершала Али стана првиот муслиман кој освоил Оскар, особено значајно остварување во 2017, кога Белата куќа издаде забрана за влез во САД за жители на 7 муслимански земји.

Али, кој игра во оскаровецот за најдобар филм „Месечева светлина“, е и петтиот Афромериканец кој освоил Оскар за споредна улога.

Во инспиративниот говор, тој се заблагодари на своите учители и професори и на режисерот Бери Џенкинс и екипата. А ги поздрави и сопругата и ќерката која се роди пред два дена.