Авион на „Рајанер“, кој летал за Минхен, безбедно се вратил на аеродромот „Македонија“ во Солун денеска откако претрпел сериозен проблем на моторот за време на летот. Еден патник е лесно повреден од остатоци од моторот.

Пилотите го откриле проблемот додека авионот бил над Македонија и одлучиле да се вратат во Солун зашто дефектот не можел да се реши во воздух.

За време на спуштањето, дел од оштетениот мотор се одвоил и удрил во прозорец на кабината, нанесувајќи му полесни повреди на еден патник. Официјални лица изјавија дека инцидентот не вклучувал никакво оштетување на трупот на авионот.

На аеродромот во Солун беа активирани итни процедури откако екипажот издал сигнал за помош. Пожарникарите, екипите на брзата помош, полицијата и другите служби за итни случаи беа ставени во состојба на готовност, но авионот слета безбедно и беше преместен во означена зона на аеродромот.

Четворица патници се однесени во болница како мерка на претпазливост. Повеќето беа згрижени и пуштени дома, додека еден остана на понатамошни прегледи.