Авион со 62 патници се урна денеска во бразилската сојузна држава Сао Пауло и засега е нејасно дали има преживеани. Локалниот пожарникарски оддел потврди дека авионот паднал во градот Вињедо, без да изнесе други детали.

Бразилската телевизија „Глобоњуз“ објави снимка од голема запалена површина и чад како излегува од трупот на авионот. Друга снимка покажува како авионот паѓа вертикално и спирално.

Авион од типот „АТР-72“ на авиокомпанијата „Воепас лињас ареас“ летал од Каскавел во сојузната држава Парана кон Гваруљош во Сао Пауло.