Актуелниот претседател на САД, Џо Бајден, кажа дека планира да се кандидира на изборите во 2024, но сè уште не е подготвен да го објави тоа.

„Планирам да се кандидирам, но уште не сме подготвени да го објавиме тоа“, изјави 80-годишниот Бајден во интервјуто за Ен-Би-Си.

Тој додаде дека има намера да биде кандидат на Демократската партија и да влезе во трката заедно со потпретседателката Камала Харис. Повикувајќи се на неколку неименувани извори, Ен-Би-Си соопшти дека главните советници на Белата куќа треба да донесат конечни одлуки за лансирањето на кандидатурата на Бајден.

„Делот со одлучувањето е завршен, но тој не сака да биде изложен на притисокот да објави што одлучил“, кажа еден извор.

Роберт Кенеди Џуниор, синот на убиениот Роберт Кенеди и гласен противник на вакцинирањето, веќе најави дека ќе го предизвика Бајден за номинацијата на Демократите.