БИВШИОТ ШЕФ НА КАМПАЊАТА НА ТРАМП ОСУДЕН НА 47 МЕСЕЦИ ЗАТВОР

    БИВШИОТ ШЕФ НА КАМПАЊАТА НА ТРАМП ОСУДЕН НА 47 МЕСЕЦИ ЗАТВОРМанафорт важеше за републикански политички гуру, кој советуваше претседатели и странски лидери (Фото: Ројтерс)

    Бившиот шеф на кампањата на Доналд Трамп, Пол Манафорт, е осуден на 47 месеци затвор за даночна и банкарска измама. Тој минатата година беше обвинет за прикривање приход од десетици милиони долари, што ги заработил како политички консултант во Украина и наредната недела го очекува уште една пресуда, за незаконско лобирање.

    Овие обвиненија произлегоа од истрагата за можното мешање на Русија во изборите во 2016 година. Се верува дека 22-месечната истрага на специјалниот советник Роберт Милер е при крај.

    Манафорт (69), исто така, ќе мора да врати 24 милиони долари и да плати казна од 500.000 долари.

    „Последните две години беа најтешките во мојот живот. Малку е да се каже дека бев понижен и посрамотен“, кажа Манафорт во судот во Александрија, Вирџинија.

    Манафорт во Вашингтон важеше за републикански политички гуру, кој советуваше претседатели и странски лидери. Тој беше обвинет дека сокрил 55 милиони долари на офшор банкарски сметки во Кипар, што му биле исплатени за советување на проруски политичари во Украина.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира