Борбите во Украина имаат забавено темпо и тоа најверојатно ќе продолжи и во наредните зимски месеци, сметаат американските разузнавачки агенции. Сепак, нема докази за слабеење на отпорот од украинските сили, рече директорката на американското разузнавање Аврил Хејнс. Таа рече дека двете страни ќе се обидат „да се обноват, дополнат и реконституираат“ за каква било контраофанзива на пролет.

Тоа следи по руските напади врз критичната енергетска инфраструктура на Украина. Војната во Украина сега е во деветтиот месец, но Русија изгуби повеќе од половина од територијата што ја зазеде.

На форумот за одбрана во Калифорнија Хејнс изјави дека најголемиот дел од борбите моментално се водат околу регионот Бахмут и Доњецк во источна Украина. Таа рече дека борбите забавиле по повлекувањето на руските трупи од западниот дел на регионот Херсон минатиот месец.

„Веќе гледаме еден вид намалено темпо на конфликтот… и очекуваме дека тоа веројатно ќе биде она што ќе го видиме во наредните месеци“, рече таа.

Таа рече дека и Украина и руските војници ќе се обидат да се подготват за каква било контраофанзива по зимата.

„Но, прилично сме скептични дали Русите ќе бидат, всушност, подготвени да го сторат тоа“, рече таа. „Пооптимистички размислувам за Украинците во таа временска рамка“.

Хејнс рече дека американското разузнавање верува оти рускиот претседател Владимир Путин во оваа фаза нема целосна слика за тоа со колку со предизвици се соочува неговата војска.

„Гледаме недостиг на муниција, за морал, проблеми со снабдувањето, логистика, цела низа грижи со кои се соочуваат“, рече таа.