Британскиот премиер Кир Стармер објави дека ќе поднесе оставка, при што нов лидер ќе биде избран до септември, седми за период од десет години. Ова следува помалку од две години по убедливата победа на Лабуристите на парламентарните избори, по кои Стармер вети дека ќе стави крај на хаосот во британската политика,

Тој изјави дека во партијата јасно му ставиле на знаење дека сака да се повлече. Стармер кажа дека номинирањето за негов наследник ќе биде отворено на 9 јули, а како главен фаворит се истакнува неговиот главен ривал Енди Барнам.

„Прашањето што сега го поставува мојата партија е дали сум во најдобра позиција да ја водам кон следните општи избори. Го слушнав одговорот на тоа прашање и го прифаќам тој одговор“, рече Стармер.

Заканата за Стармер, која се создаваше со месеци, нагло се зголеми во петокот, кога Барнам, градоначалникот на Голем Манчестер, убедливо победи на парламентарните избори, победувајќи го кандидатот од партијата Реформа на Најџел Фараж, која води во националните анкети на јавно мислење повеќе од една година.

Позицијата на Стармер претходно беше разнишана од скандалот со Питер Манделсон, откако се дозна дека тој бил назначен за британски амбасадор во САД, иако се знаело за неговите блиски врски со сексуалниот престапник и педофил Џефри Епстин. Популарноста на Стармер притоа падна на најниско ниво за кој било британски лидер.