Најмалку десет луѓе загинаа додека се бореа со пожар во централната турска провинција Ескишехир.

„24 шумски работници и доброволни спасувачи беа заробени од огнот по нагла промена на правецот на ветерот. Притоа загинаа петмина шумски работници и петмина волонтери, а 14-мина се превезени во болница“, изјави турскиот министер за земјоделство и шумарство Ибрахим Јумакли.

Пожарот избувнал во вторникот наутро и брзо се проширил кон соседните области.

Температурите низ Турција беа над 40 Целзиусови степени во изминатите денови и моментално има пожари во пет провинции. Ова лето се регистрирани стотици пожари низ земјата, при што биле евакуирани десетици илјади луѓе.