Десет луѓе загинаа во руски ракетен напад врз товарен брод близу пристанишниот град Одеса, објавија украинските власти, што е најсмртоносниот напад откако пред повеќе од една недела се засили конфликтот во Црното Море.

Бродот „Голден Лео“ пловел под знамето на Гвинеја Бисау и бил натоварен со пченка. Екипажот бил составен од Индијци и Сиријци.

Украинската морнарица соопшти дека бродот бил погоден со три крстосувачки ракети, при што се запалил. Потрагата и спасувачката операција траеле цела ноќ, при што се спасени осуммина членови на посадата.

Во руските напади врз регионот Одеса овој месец загинале 28 луѓе.

И Русија и Украина се големи извозници на жито, па обновеното насилство во Црното и Азовското Море предизвика загриженост во врска со снабдувањето.