Џекпотот на „Мега милионс“ надмина 1 милијарда долари откако ниту еден билет не се совпадна со сите шест извлечени броеви на Бадник. Тоа значи дека проценетиот џекпот за извлекувањето в петок е 1,15 милијарди долари, што е потенцијално петти по големина џекпот во историјата на играта.

„Знаеме дека многу луѓе најверојатно ќе добијат лозови за петочното извлекување како празнични подароци, и тоа би бил и тоа каков подарок ако сте го добиле лозот вреден џекпот од 1,15 милијарди долари“, вели Џошуа Џонстон, главен директор на „Мега милионс“.

Шансите за освојување на џекпотот се 1 спрема 302.575.350, додека шансите за освојување на која било премија на „Мега милионс“ се 1 спрема 24, според официјалните лица на лотаријата.

Лозовите за играта се продаваат во 45 држави, заедно со Вашингтон и Девствените Острови на САД, а чинат 2 долари парче. Половина од приходите од продажбата на секој билет останува во државата во која е продаден билетот. Извлекувањата се секој вторник и петок во 23 часот по локално време.