Демократскиот претседателски кандидат Џо Бајден и неговата сопруга Џил се негативни на коронавирус, потврдија од неговата изборна кампања. Бајден во вторникот ја делеше сцената со Трамп на првата од трите предвидени претседателски дебати, каде што противникот го исмеваше за носење маска во изборната кампања.

„Среќен сум што јас и Џил имавме негативен тест за коронавирус. Сакам да го искористам ова за да ве потсетам да носите маска, миете раце и да држите растојание“, напиша Бајден на Твитер.

Доналд и Меланија Трамп утрово објавија дека се позитивни на коронавирус и дека во наредниот период ќе бидат во карантин во Белата куќа, чиј официјален лекар кажа дека и двајцата се добро, но имаат благи симптоми.