Полицијата во Германија го истражува ненадејниот пораст на јавни навреди и клевети насочени кон политичарите во земјата, според најновите статистички податоци. Минатата година се регистрирани 4.439 вакви прекршувања на Кривичниот законик, изјави портпаролката на Федералната канцеларија за криминална полиција.

Во 2023 имало значително помалку прекршувања, 2.598, во споредба со 1.404 во 2022.

Член 188 од Кривичниот законик ги штити политичарите од такви повреди на нивниот углед, а прекршоците се казнуваат со затворска казна или парична казна.

Фракцијата на крајнодесничарската Алтернатива за Германија (АфД) во парламентот неодамна се залагаше за укинување на членот, кој во сегашната форма беше воведен во 2021.