Една од најбогатите жени во Русија Наталија Филева загина во авионска несреќа во Германија.

Педесет и петгодишната Филева, косопственичка на авиокомпанијата „С7 груп“, била еден од двата патника во малиот авион „епик ЛТ“, што се урна и изгоре додека се приближувал кон малиот аеродром во Егелсбах, десет километри јужно од Франкфурт. Во несреќата загинале и пилотот и уште еден руски државјанин, чиј идентитет допрва ќе се утврдува.

(Фото: АП)

Магазинот „Форбс“ го проценува богатството на Филева на 600 милиони долари.

Со база на аеродромот „Домодедово“ во Москва, „С7“ лета кон 150 дестинации во 35 земји. Како претседател на компанијата е наведен сопругот на Филева.