Откако Италија објави дека во Албанија ќе гради центри за прифаќање мигранти, Германија сака да испита дали барањата за азил можат да се обработуваат надвор од Европа. Ова е слично на договорот што Велика Британија го има со Руанда, каде што мигрантите во Британија можат да бидат испратени да бараат азил.

Ова претставува дополнително зацврстување на позицијата на владата за илегалната миграција, додека партиите се обидуваат да се спротивстават на изборните успеси на екстремната десница.

„Федералната влада ќе испита дали статусот на заштита на бегалците може да се утврди и во транзит или во трети земји во иднина“, беше заклучено по маратонската средба на премиерите на сојузните покраини со канцеларот Олаф Шолц.

Трите партии од владејачката коалиција веќе се согласија да се испита дали се можни процедури за азил во исклучителни случаи во трети земји надвор од ЕУ, во согласност со Женевската конвенција за бегалци и Европската конвенција за човекови права.

Минатата недела, премиерот на Северна Рајна-Вестфалија, Хендрик Вуст, предложи процедури за азил во земји надвор од ЕУ.

По неколкумесечниот спор, федералната и покраинските влади постигнаа договор за идна дистрибуција на трошоците за бегалците. Берлин притоа предложи да плаќа годишен паушал од 7.500 евра за секој барател на азил