Јеменските хути ги предупредија авиокомпаниите, патниците и вработените на аеродромите да се држат настрана од саудиските аеродроми, што уследи по нападот врз меѓународниот аеродром во Ријад, во кој загинаа 12 лица, а повеќе од 300 беа повредени.

Тоа беше најсмртоносниот напад врз Саудиска Арабија во изминатата деценија и се случи во услови на ескалација на борбите помеѓу хутите, поддржани од Иран и јеменските владини сили, поддржани од Ријад.

„Уште еднаш ги предупредуваме сите авиокомпании, експерти, вработени, работници и патници да не ги користат саудиските аеродроми и воздушен простор, бидејќи тие се ранливи на напади. Исклучок се аеродромите во Мека и Медина. Ги повикуваме сите сериозно да ги сфатат нашите предупредувања“, соопштија хутите наа Икс.

Во последните недели, Саудиска Арабија го засили своето воено ангажирање во Јемен, изведувајќи напади врз хутите и поддржувајќи ја контраофанзивата на јеменската влада, откако оваа група минатиот месец зазеде стратешки територии долж брегот на Црвеното Море.

„Доколку саудискиот непријател не запре со агресијата и мешањето во Јемен, допрва ќе следи полошо“, соопштија хутите.

По смртоносниот напад врз Ријад, Доналд Трамп изјави дека САД размислуваат да се приклучат кон саудиските напади врз хутите.