Илон Маск кажа дека ќе поднесе оставка од функцијата извршен шеф на Твитер кога ќе најде некој доволно глуп да го замени. Тој претходно вети дека ќе ги почитува резултатите од анкетата во која 57% корисници на Твитер гласаа за негово заминување од водечката функција.

Тој кажа дека ќе продолжи да ги води тимовите за софтвер и сервери и откако ќе биде пронајдена неговата замена.

Маск во октомври ја комплетираше зделката за купување на Твитер вредна 44 милијарди долари и беше критикуван за промените што ги воведе на платформата оттогаш. Тој отпушти половина од вработените и воведе плаќање за верификација на профили.

Ова е првпат Маск да се огласи откако ја отвори анкетата во неделата, преку која побара од неговите 122 милиони следбеници да се изјаснат дали треба да се повлече од функцијата извршен директор.

„Никој не ја сака работата која всушност може да го одржи Твитер во живот“, напиша Маск по анкетата.